გაზის დანადგარების უსაფრთხოებასთან დაკავშირებით, ყველაზე მეტი დარღვევა გაქირავებულ ბინებსა და იტალიურ ეზოებში ფიქსირდება - ენერგოომბუდსმენი

ენერგოომბუდსმენის მოვალეობის შემსრულებლის ნინო გულეიშვილის განცხადებით, ქალაქებში გაზის დანადგარების უსაფრთხოებასთან დაკავშირებით, ყველაზე მეტი დარღვევა გაქირავებულ ბინებსა და იტალიურ ეზოებში ფიქსირდება.მანვე გადაცემა "ბიზნესპარტნიორში" მომხმარებლებს გაზის დანადგარების უსაფრთხოების რეკომენდაციების დაცვისკენ მოუწოდა."კომპანიები ბუნებრივი აირის დანადგარების ყოველწლიურ შემოწმებას აწარმოებენ. ჩვენ "თბილისი ენერჯის" ვთხოვეთ და დავათვალიერეთ ის ადგილი, სადაც კონკრეტულად ხორციელდება კომპანიის თანამშრომლების გადამზადება და დატრენინგება. შესაბამისად, როდესაც კომპანიის თანამშრომელი მომხმარებელს შენიშვნას აძლევს ამას აუცილებლად უნდა ენდონ და რეკომენდაციები გაითვალისწინონ. ცივი ზამთარია და ამ დროს ბუნებრივი გაზის დანადგარებს დახურულ სივრცეში მოვიხმართ, ანუ თითქმის ყველა ფანჯარა ამ დროს დახურულია. სწორედ ამიტომ, აუცილებელია, რომ დანადგარები და ქსელი იყოს მოწესრიგებული. გარდა ამისა, ქარმა არასწორად დამონტაჟებული დანადგარიდან მავნე ნივთიერებების შემოტანა იცის, რომელიც ასევე, მომატებულ საფრთხეს წარმოა...