გავრცელებული ინფორმაციით, რუსეთი მარიუპოლი-ბათუმის საკრუიზო მარშრუტის აღდგენას განიხილავს

რუსეთის ხელისუფლება აზოვის ზღვაზე საერთაშორისო კრუიზების აღდგენას განიხილავს, რომელთა შორისაა მარიუპოლი-ბათუმის მარშრუტიც, იტყობინება „რია ნოვოსტი“ სამთავრობო დოკუმენტებზე დაყრდნობით. „შესაძლებელია აზოვის ზღვაზე საზღვარგარეთის ქვეყნებში კრუიზების განახლება. ადრე არსებობდა საკრუიზო მარშრუტი მარიუპოლიდან ბათუმამდე. სამგზავრო ნავმისადგომის აღდგენის ან აშენების შემთხვევაში, ეს მარშრუტი შესაძლოა აღდგეს“, – იტყობინება „რია ნოვოსტი“ 17 იანვარს მითითებულ დოკუმენტებზე დაყრდნობით, სადაც ასეთი კრუიზების განსახორციელებლად გემი „მუსტაო კარიმია“ დასახელებული. მაშინ როცა თბილისს ამ ინფორმაციაზე კომენტარი ჯერ არ გაუკეთებია, უკრაინის საგარეო დაზვერვის სამსახურმა განაცხადა: „2025 წელს რუსეთმა გააძლიერა დროებით ოკუპირებული მარიუპოლის საზღვაო პორტის გამოყენება, რასაც „აღდგენად“ წარმოაჩენს. სინამდვილეში, ეს არის უკრაინის ინფრასტრუქტურის უკანონო მითვისება და მისი ინტეგრაცია აგრესორი სახელმწიფოს ლოგისტიკურ სისტემაში“.