გასამართლება დაუსწრებლად - რა ხდებოდა გიორგი გახარიას საქმის სასამართლო სხდომაზე?

საქალაქო სასამართლოს პატარა დარბაზში სხდომა ბრალდებულის გარეშე ჩატარდა. გიორგი გახარია ნახევარ წელზე მეტია, საზღვარგარეთ იმყოფება და საქართველოში არ ჩამოდის. სასამართლომ დაუშვებლად ცნო დაცვის მხარის მტკიცებულებები, რომლებიც პროკურორ მარიამ გიგაურის თქმით, ან პროცედურის დაცვით არ იყო მოპოვებული ან საქმეს არ ეხებოდა. ძირითადად, საუბარია „ოცნების“ მთავრობის წევრების - ბიძინა ივანიშვილის, ირაკლი კობახიძის, მამუკა მდინარაძის, ვახტანგ გომელაურისა და თეა წულუკიანის - ძველ განცხადებებზე, სადაც ისინი ამბობდნენ, რომ „გავრილოვის ღამეს“ გახარიამ სახელმწიფო გადატრიალებას გადაარჩინა. „ეს არის ორმაგი სტანდარტი. ბრალდების მხარეს თავადაც აქვთ წარმოდგენილი მტკიცებულებებად ინტერვიუები, მაგალითად, სადაც გახარია ამბობს, რომ ივანიშვილის საქმის კურსში არ იყო 20 ივნისის მოვლებებთან დაკავშირებით“, - განაცხადა გახარიას ადვოკატმა სხდომაზე. დღეს სასამართლოზე გახარიასთვის წაყენებული ბრალდებებიდან უფრო „გავრილოვის ღამეზე“ ლაპარაკობდნენ. 2019 წლის 20 ივნისს რუსეთის დუმის დეპუტატი სერგეი გავრილოვი თბილისში მართლმ...