გამოცემა „მედუზის“ დამფუძნებელ გალინა ტიმჩენკოს დაუსწრებლად მიუსაჯეს ხუთწლიანი პატიმრობა

გამოცემის ინფორმაციით, განაჩენი დღეს, 26 დეკემბერს გამოაცხადა მოსკოვის ჩერიომუშკის რაიონის სასამართლოს მოსამართლე ირინა კუზანმა. მან ტიმჩენკოს აუკრძალა ხუთი წლის განმავლობაში ხელმძღვანელი თანამდებობის დაკავებაც. პროკურატურა ტიმჩენკოსთვის 5-წლიან პატიმრობას და ხელმძღვანელი თანამდებობის დაკავების 3-წლიან აკრძალვას ითხოვდა. როგორც „მედუზა“ წერს, ადვოკატმა გალინა ტიმჩენკოს სისხლისსამართლებრივი დევნა სიტყვის თავისუფლების კონსტიტუციური უფლების დარღვევად შეაფასა. გამოძიების ვერსიით, ტიმჩენკომ „მედუზა“ შექმნა „ქვეყნის სახელმწიფოებრივი მოწყობისა“ და „მოქმედი ხელისუფლების საშინაო და საგარეო პილიტიკის“ მიმართ „სიძულვილის განცდით“ და „არასასურველ" ორგანიზაციად „მედუზის" გამოცხადების შემდეგაც განიზრახა მისი საქმიანობის გაგრძელება. რუსეთის შსს-ს გალინა ტიმჩენკო ძებნილად ჰყავს გამოცხადებული 2025 წლის ივნისიდან. ერთი თვით ადრე ცნობილი გახდა, რომ ტიმჩენკოს წინააღმდეგ სისხლის სამართლის საქმეა აღძრული. პროკურატურამ ბრალის საბაბად გამოიყენა გალინა ტიმჩენკოს მიერ DW-სა და TV2media-სთვის 2024-2025 წლებშ...