გამოძიება ჩვენი ინიციატივით მიმდინარეობს - კალაძე „პროგრეს ბანკის“ საქმეზე

„გამოძიება ჩვენი ინიციატივით მიმდინარეობს“, - განაცხადა კახა კალაძემ დღეს, 22 დეკემბერს ჟურნალისტების კითხვაზე პასუხად. მისი თქმით, „საგამოძიებო მოქმედებები უკავშირდება იმას, რომ, სამწუხაროდ, არიან ადამიანები, რომლებიც კონკრეტულ პირებს აშანტაჟებენ სხვადასხვა საკითხით“. „ამიტომ, დაწყებულია გამოძიება და ყველას გაეცემა შესაბამისი პასუხი“, - თქვა მან, თუმცა არ დაუზუსტებია, ვის გულისხმობდა. იქვე დაამატა, რომ თავს იკავებს კონკრეტიკისაგან, რადგან გამოძიება მიმდინარეობს. კითხვაზე, არის თუ არა მზად, ითანამშრომლოს გამოძიებასთან, კალაძემ უპასუხა: „აღნიშნულ საქმესთან დაკავშირებით, ჩემი გამოძიებასთან სათანამშრომლო არაფერი არ არის“.