გაიზარდა კიევში, სამედიცინო დაწესებულებაზე დარტყმის შედეგად დაშავებულთა რიცხვი

მანამდე ცნობილი იყო, რომ კიევის ობოლონსკის რაიონში მდებარე კერძო სამედიცინო დაწესებულებაზე დარტყმის შედეგად ერთი ადამიანი დაიღუპა და ორი დაშავდა. შენობაში ხანძარი გაჩნდა. კიევის მერის ინფორმაციით, ოთხი დაშავებულიდან ორის მდგომარეობა მძიმეა. ერთი დაღუპული კლინიკის პაციენტი იყო. უკრაინის საგანგებო სიტუაციების სამსახურის ცნობით, სამედიცინო დაწესებულების შენობიდან 25 ადამიანის ევაკუაცია განხორციელდა. ხანძარი ლიკვიდირებულია. გასულ ღამით რუსეთის ჯარებმა დრონებით დაარტყეს კიევის ოლქსაც. ოლქის სამხედრო ადმინისტრაციის ხელმძღვანელ მიკოლა კალაშნიკის ინფორმაციით, ფასტოვის რაიონში დაიღუპა ერთი მშვიდობიანი მოქალაქე. კიევის საოლქო პოლიციის ცნობით, ფასტოვის, ობუხოვის და ვიშგოროდის რაიონებში განადგურებულია ერთი კერძო სახლი და დაზიანებულია ერთი მრავალბინიანი და 12 კერძო სახლი. ადგილობრივი ხელისუფლების თანახმად, კიევის ოლქზე შეტევის ერთ-ერთი მთავარი სამიზნე ისევ ენერგოობიექტები იყო. ელექტროენერგიის გარეშე დარჩა ქალაქი სლავუტიჩი. პრეზიდენტმა ზელენსკიმ სოციალურ ქსელებში დაწერა, რომ რუსულმა არმიამ კიე...