გაერო: აშშ-ის ოპერაცია ვენესუელაში ძირს უთხრის საერთაშორისო სამართალს

ვენესუელაზე აშშ-ის საჰაერო თავდასხმები და ამ ქვეყნის ლიდერის დაპატიმრება აშკარად „ძირი უთხრის საერთაშორისო სამართლის ფუნდამენტურ პრინციპს“, განაცხადა 6 იანვარს გაერომ.„სახელმწიფოები არ უნდა ემუქრებოდნენ და არ უნდა იყენებდნენ ძალას რომელიმე სახელმწიფოს ტერიტორიული მთლიანობის ან პოლიტიკური დამოუკიდებლობის წინააღმდეგ“, - განუცხადა ჟენევაში ჟურნალისტებს გაეროს უფლებათა ოფისის პრესსპიკერმა რავინა შამდასანიმ.„და სწორედ ამას ვხედავთ“, - თქვა მან და მოუწოდა საერთაშორისო საზოგადოებას „შეერთდნენ ერთ ხმად, ... რათა ნათლად განაცხადონ, რომ ეს არის ქმედება, რომელიც ეწინააღმდეგება წევრი სახელმწიფოების მიერ დადგენილ საერთაშორისო სამართალს“.ამერიკელმა კომანდოსებმა, საჰაერო, ასევე სამხედრო-საზღვაო ძალების მხარდაჭერით, საჰაერო თავდასხმების გზით, 3 იანვარს გამთენიისას" ძალის გამოყენებით დააკავეს ვენესუელის პრეზიდენტი ნიკოლას მადურო და მისი მეუღლე სილია ფლორესი.მადურო 5 იანვარს ნიუ-იორკის სასამართლოს წინაშე წარსდგა. მან უარყო ნარკოტიკებით ვაჭრობაში მონაწილეობა და ვაშინგტონის მიერ წაყენებული სხვა ბრალდებები...