გაათავისუფლეს ოკუპირებულ ცხინვალში დაკავებული თამარ მეარაყიშვილი

განახლება: სუსმა განაცხადა, რომ მოლაპარაკებების ინტენსიურ პროცესში აქტიურად იყვნენ ჩართული ჟენევის საერთაშორისო დისკუსიების თანათავმჯდომარეები, ასევე პერმანენტულად წარმოებდა კომუნიკაცია საქართველოში ევროკავშირის სადამკვირვებლო მისიის (EUMM) მიერ მართული „ცხელი ხაზის“ მეშვეობით. ცხინვალის საოკუპაციო რეჟიმმა ახალგორში მცხოვრები სამოქალაქო აქტივისტი თამარ მეარაყიშვილი „ჯაშუშობის“ ბრალდებით რამდენიმე დღის წინ დააკავა. თამარ მეარაყიშვილი გუშინ, 30 დეკემბერს, პროტესტის ნიშნად დაწყებული შიმშილობის ფონზე კლინიკაში გადაიყვანეს, ინფორმაცია ამის შესახებ მისმა ადვოკატმა ალან ბაზაევმა გაავრცელა. ოკუპირებული ცხინვალის რეგიონის ე.წ. გენერალურმა პროკურატურამ მეარაყიშვილის „გაძევების“ შესახებ განაცხადა. „ცხინვალის საქალაქო სასამართლოს 31 დეკემბრის გადაწყვეტილებით, სამხრეთ ოსეთის რესპუბლიკის გენერალური პროკურორის გადაწყვეტილების საფუძველზე, საქართველოს მოქალაქე თამილა აკაკიევნა მეარაყიშვილი სამხრეთ ოსეთის რესპუბლიკიდან გააძევეს“, - ნათქვამია პროკურატურის განცხადებაში. თამარ მეარაყიშვილი ოკუპირებული...