FT: ემირატები UK-ში სტუდენტებს, ისლამიზმით რადიკალიზაციის საფრთხის გამო, აღარ დააფინანსებს

Financial Times, ინფორმირებულ პირებზე დაყრდნობით წერს, რომ არაბთა გაერთიანებულმა საამიროებმა გაერთიანებული სამეფოს უნივერსიტეტებში საკუთარი მოქალაქეების დაფინანსება ისლამისტური რადიკალიზაციის საფრთხის გამო შეზღუდა. ივნისში არაბთა გაერთიანებული საამიროების უმაღლესი განათლების სამინისტრომ სახელმწიფო სტიპენდიის პროგრამაში შემავალი წამყვანი გლობალური უნივერსიტეტების სია გამოაქვეყნა, რომელშიც ბრიტანული უნივერსიტეტები ვერ მოხვდა. ერთ-ერთი წყარო FT-ს უყვება, რომ როდესაც გაერთიანებული სამეფოს ოფიციალურმა პირებმა სიაში ბრიტანული ინსტიტუტების არარსებობა გააპროტესტეს, არაბთა გაერთიანებული საამიროების წარმომადგენლებმა განაცხადეს, რომ ეს გამიზნული გადაწყვეტილება იყო. "[არაბთა გაერთიანებულ საამიროებს] არ სურთ, რომ მათი ბავშვები უნივერსიტეტის კამპუსებზე რადიკალიზდნენ" - დაამატა გამოცემის წყარომ. იგივე წყაროს თქმით, პასუხად, გაერთიანებული სამეფოს ოფიციალურმა პირებმა ხაზი გაუსვეს აკადემიური თავისუფლების მნიშვნელობას. FT აღნიშნავს, რომ არაბთა გაერთიანებული საამიროების პრეზიდენტის, შეიხ მოჰამედ ბინ...