ევროპელი ლიდერები დავოსის მსოფლიო ეკონომიკური ფორუმის ფარგლებში დაგეგმილი შეხვედრისას ტრამპთან უკრაინის ნაცვლად, გრენლანდიაზე საუბრისთვის ემზადებიან - „ფაინენშელ თაიმსი“

ევროპელი ლიდერები დავოსის მსოფლიო ეკონომიკური ფორუმის ფარგლებში დაგეგმილი შეხვედრისას დონალდ ტრამპთან, უკრაინის ნაცვლად, გრენლანდიაზე საუბრისთვის ემზადებიან, – ამის შესახებ „ფაინენშელ თაიმსი“ წერს.როგორც სტატიაშია აღნიშნული, ევროკავშირის ლიდერები დავოსში ტრამპთან უკრაინისთვის უსაფრთხოების გარანტიების შესახებ საუბარს გეგმავდნენ, თუმცა ახლა მსჯელობენ, შეიძლება თუ არა მისი ნდობა.„როგორ შეიძლება, ამ ადამიანთან დაჯდე და უკრაინის უსაფრთხოების გარანტიები განიხილო? მისი ნდობა შეუძლებელია, თუ რეალობას არ გამოეთიშები“, – „ფაინენშელ თაიმსის“ ცნობით, აღნიშნა ერთ-ერთმა დიპლომატმა.გარდა ამისა, გამოცემის ცნობით, დღეს დავოსში გაიმართა ეროვნული უსაფრთხოების მრჩევლების შეხვედრა, რომელიც თავდაპირველად უკრაინის საკითხის განსახილველად იყო მოწვეული, მაგრამ საბოლოოდ ყურადღება გადავიდა გრენლანდიაზე.ამასთან, როგორც გამოცემა წერს, ევროკავშირში არიან ოპტიმისტურად განწყობილი ლიდერებიც, რომლებიც მიიჩნევენ, რომ კომპრომისის პოვნა შესაძლებელია.კერძოდ, იტალიის პრემიერ-მინისტრმა, ჯორჯია მელონიმ, რომელმაც გუშინ სატელეფო...