ევროპარლამენტმა მხარი დაუჭირა 8.5 მლნ ევროს გამოყოფას გაკოტრებული შვედური კომპანიიდან გათავისუფლებულთა დასახმარებლად

16 დეკემბერს ევროპარლამენტმა მხარი დაუჭირა (578 მომხრე, 54 წინააღმდეგი, 30-მა თავი შეიკავა) 8.5 მილიონი ევროს გამოყოფას 2025 წლის მარტში გაკოტრებული შვედური კომპანია Northvolt-იდან გათავისუფლებული პირების შრომის ბაზარზე დაბრუნებაში დასახმარებლად. შვედური კომპანია სპეციალიზებული იყო ელექტრონული მანქანებისთვის ბატარეების წარმოებაში, რომ შეემცირებინა ევროპის დამოკიდებულება ჩინელ მწარმოებლებზე. Northvolt-ი მნიშვნელოვანი გამოწვევების წინაშე აღმოჩნდა, რამაც ზეგავლენა მოახდინა მისი წარმოების მოცულობაზე. ეს მოხდა იმის გამო, რომ სახელმწიფოს (კერძოდ, ჩინეთის) მიერ სუბსიდირებული მწარმოებლების მიერ განპირობებული გლობალური ფასების ძლიერი კონკურენციისა და ბაზარზე ჭარბი მიწოდების გამო, Northvolt-ის შეკვეთები გაუქმდა და საბოლოოდ ძირი გამოუთხარა კომპანიის პოზიციას. ევროკავშირი „გათავისუფლებული მშრომელებისთვის ევროპის გლობალიზაციის კორექტირების ფონდიდან“ (EGF) დაფარავს დახმარების 60%-ს (8.5 მლნ ევრო), შვედეთის ხელისუფლება კი გადაიხდის დარჩენილ 40%-ს (5.7 მლნ ევრო) დაახლოებით 5800 გათავისუფლებული პირის...