ევროკავშირის ქვეყნების ელჩები შეთანხმდნენ, გააძლიერონ ძალისხმევა ტრამპის გადასარწმუნებლად, რათა თავიდან აიცილონ გრენლანდიის გამო ტარიფების დაწესება - Reuters

ევროკავშირის 27 წევრი ქვეყნის ელჩებმა ფართო შეთანხმებას მიაღწიეს, – ამის შესახებ ინფორმაციას „როიტერი“ ავრცელებს.მედიის ინფორმაციით, ევროპელი დიპლომატები შეთანხმდნენ, გააძლიერონ ძალისხმევა აშშ-ის პრეზიდენტის, დონალდ ტრამპის გადარწმუნების მიზნით, რათა თავიდან აიცილონ გრენლანდიის საკითხის გამო ტრამპის მიერ დაანონსებული ტარიფების დაწესება. თუმცა, დიპლომატების შეთანხმების მიხედვით, თუ გადასახადები ძალაში შევა, საპასუხო ზომები მომზადდება.გავრცელებული ინფორმაციით, ბოლო დროს განვითარებულ მოვლენებთან დაკავშირებით, სავარაუდოდ, ხუთშაბათს, საგანგებო სამიტი გაიმართება, სადაც ევროკავშირის ლიდერები ვარიანტებს განიხილავენ. ერთ-ერთი ვარიანტი აშშ-ის იმპორტზე 93 მილიარდი ევროს ოდენობის ტარიფების პაკეტია, რომელიც ექვსთვიანი შეჩერების შემდეგ, შესაძლოა, 6 თებერვალს ავტომატურად ამოქმედდეს; მეორე ვარიანტად კი ჯერ კიდევ გამოუყენებელი იძულების საწინააღმდეგო ინსტრუმენტი, იგივე ევროკავშირის სავაჭრო „ბაზუკა“ განიხილება. ის ბრიუსელის ყველაზე ძლიერი სავაჭრო იარაღია – კომისიას საშუალებას აძლევს, დააწესოს სანქციები ა...