ევროკავშირი: ვენესუელელი ხალხის პატივისცემა „დემოკრატიის აღდგენის ერთადერთი გზაა“. ტრამპი დელსი როდრიგესს დაემუქრა

განცხადებაში, რომელსაც მხარს უჭერდა 26 წევრი სახელმწიფო, ყველა - უნგრეთის გარდა, ევროკავშირის საგარეო საქმეთა ხელმძღვანელმა კაია კალასმა მოუწოდა „ყველა მხარეს სიმშვიდისა და თავშეკავებისკენ, რათა თავიდან აიცილონ ესკალაცია და უზრუნველყოფილ იქნეს კრიზისის მშვიდობიანი გადაწყვეტა“.„ვენესუელელი ხალხის ნების პატივისცემა კვლავ რჩება ვენესუელისთვის დემოკრატიის აღდგენისა და არსებული კრიზისის მოგვარების ერთადერთ გზად“, - ნათქვამია განცხადებაში. ამ განცხადების ფონზე, აშშ-ის პრეზიდენტმა დონალდ ტრამპმა მუქარა გამოთქვა, რომ ვენესუელის ახალი მმართველი „დიდ საფასურს“ გადაიხდის, თუ ის აშშ-სთან არ ითანამშრომლებს მას შემდეგ, რაც აშშ-ის ძალებმა ნიკოლას მადურო დააკავეს. თუ დროებითი პრეზიდენტი დელსი როდრიგესი „სწორად არ მოიქცევა, ის ძალიან დიდ საფასურს გადაიხდის, სავარაუდოდ, მადუროზე მეტსაც“, - განუცხადა ტრამპმა The Atlantic-სტელეფონით ინტერვიუში, იტყობინება AFP-ის სააგენტო.ვენესუელის თავდაცვის მინისტრმა, ვლადიმირ პადრინომ მხარი დაუჭირა უზენაესი სასამართლოს გადაწყვეტილებას, რომლითაც როდრიგესი 90 დღით პრეზი...