ესტონეთი აცხადებს, რომ რუსეთის მესაზღვრეებმა დაარღვიეს მისი საზღვარი

დარღვევა მოხდა მდინარე ნარვაზე, სოფელ ვასკნარვის რაიონში - სადაც რუსეთის მესაზღვრეები უნებართვოდ იმყოფებოდნენ ესტონეთის ტერიტორიაზე, ნათქვამია საგარეო საქმეთა სამინისტროს ვებსაიტზე გამოქვეყნებულ განცხადებაში. ესტონეთის საგარეო საქმეთა მინისტრის, მარგუს ცახნას თქმით, რაიონში გააძლიერეს სადამკვირვებლო ზომები და ტალინი მზადაა საპასუხო ნაბიჯებისთვის. "საზღვრების გამოცდის რუსეთის მცდელობებზე საუკეთესო პასუხია უკრაინის მხარდაჭერის გაგრძელება და რუსეთზე პოლიტიკური და ეკონომიკური ზეწოლის გაძლიერება" - ამბობს მინისტრი. ესტონეთის ხელისუფლების განცხადებით, ქვეყნის საზღვარი უკანონოდ გადაკვეთა რუსეთის სამმა მესაზღვრემ. მედიის თანახმად, მათ ესტონეთის ტერიტორიაზე 20-მდე წუთი დაჰყვეს. სააგენტო DPA წერს, რომ ესტონეთის მხარეს აქვს სათვალთვალო კამერის ვიდეოჩანაწერი, რომელიც ამ ინციდენტს ასახავს. ესტონეთის შინაგან საქმეთა მინისტრის, იგორ ტაროს თქმით, რუსეთის მესაზღვრეების მოტივები უცნობია. "უსაფრთხოებისთვის უშუალო საფრთხე არ შექმნილა, მაგრამ პოლიციამ და მესაზღვრეებმა მნიშვნელოვნად გააძლიერეს თავიანთი...