„ეს ვერ შეგვაშინებს“ - Deutsche Welle რუსეთში „არასასურველ ორგანიზაციად“ გამოცხადებაზე

გერმანიის საერთაშორისო მედიაკომპანია Deutsche Welle(DW) გააგრძელებს უკრაინის წინააღმდეგ აგრესიული ომისა და სხვა თემების დამოუკიდებელ გაშუქებას. ამის შესახებ მედიაკომპანიის გენერალურმა დირექტორმა ბარბარა მასინგმა განაცხადა მას შემდეგ, რაც რუსეთში DW შეიტანეს „არასასურველი ორგანიზაციების“ რეესტრში. „ეს ვერ შეგვაშინებს“ - თქვა ბარბარა მასინგმა. DW მაუწყებლობს 32, მათ შორის რუსულ ენაზე. მედიაკომპანია რუსეთში „არასასურველი ორგანიზაციების“ რეესტრში 16 დეკემბერს შეიტანეს. სამი დღით ადრე, დუმაში არსებული „რუსეთის საქმეებში უცხოეთის სახელმწიფოების ჩარევის ფაქტების“ გამოძიების კომისიის თავმჯდომარე ვასილი პისკარიოვმა განაცხადა, რომ მიესალმებიან გენერალური პროკურატურის გადაწყვეტილებას, რომელმაც მხარი დაუჭირა კომისიის წინადადებას DW-ს „არასასურველ ორგანიზაციად“ გამოცხადების შესახებ. DW-ს „არასასურველ ორგანიზაციად“ გამოცხადება დაგმო გერმანიის მთავრობამ. მისი ოფიციალური წარმომადგენლის, შტეფან კორნელიუსის განცხადებით, ეს გადაწყვეტილება ადასტურებს, რომ რუსეთის ხელისუფლებას ეშინია დამოუკიდებელი ინფო...