„ეს ჰუმანური ნაბიჯი იყო და არა პოლიტიკური“ - რა უპასუხა „ქართულმა ოცნებამ“ საპატრიარქოს პატიმრების გათავისუფლებაზე

"ეს ეკლესიის მხრიდან ჰუმანური ნაბიჯი იყო და არა პოლიტიკური", - უთხრა რადიო თავისუფლებას საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ. “სახელმწიფოს ამ საკითხის სხვაგვარად განხილვის იურიდიული საფუძვლები არ გააჩნდა“, - ასე უპასუხეს, მისი თქმით, „ქართულ ოცნებაში“ საპატრიარქოს. 2024 წლის ნოემბერ-დეკემბრის მოვლენების დროს აქციებზე დაკავებული პატიმრების მშობლები ამბობენ, რომ მათ საპატრიარქოდან ბოლო ერთი წლის განმავლობაში არავინ შეხმიანებია, თუმცა ეკლესიასთან დაკავშირებას ცდილობდნენ. 31 დეკემბერს საპატრიარქოს ტელევიზია „ერთსულოვნების“ ეთერში დეკანოზმა ანდრია ჯაღმაიძემ თქვა, რომ პატიმრების გათავისუფლებაზე თავად ორჯერ ესაუბრა ხელისუფლებას. ერთხელ კი ეს საკითხი „ქართული ოცნების“ პრემიერთან პატრიარქის მოსაყდრემ, მიტროპოლიტმა შიო მუჯირმაც დააყენა, თუმცა უშედეგოდ. დეკანოზი ანდრია ჯაღმაიძე გვეუბნება, რომ 2025 წლის დასაწყისში, ოპოზიციური პარტიების წარმომადგენელმა ქალებმა საპატრიარქოში ითხოვეს შეხვედრა - შეხვედრა შედგა. პოლიტიკოს ქალებს საპატრიარქო ტა...