„ერთი უბანი - ერთი სუპერმარკეტი” - სახელმწიფოს უნდა შექმნას მოდელი, სადაც ტექნიკურად ფასების ზრდაც მისი მხრიდან გაკონტროლდება“ - გოგა ხიშტოვანი

„სახელმწიფოს აღარ აქვს რესურსი, სურსათის მაღალი ფასების პრობლემა მეტი ფულის დარიგებით გაანეიტრალოს, მან უნდა იპოვოს განტევების ვაცი (კერძო ბიზნესი) და ისეთი ეკონომიკური მოდელი შექმნას, სადაც ტექნიკურად ფასების ზრდაც მისი მხრიდან გაკონტროლებული იქნება (პირობითად, დავარქვათ, „ერთი უბანი - ერთი სუპერმარკეტი“), - ამის შესახებ ეკონომისტი, „ილიაუნის” სრული პროფესორი გიორგი ხიშტოვანი სოციალურ ქსელში წერს და სურსათის ფასებთან დაკავშირებით ირაკლი კობახიძის განცხადებას ეხმაურება. მისი თქმით, თუ სურსათზე ფასების მატების პროცესი გაგრძელდა, მაღალია იმის ალბათობა, რომ „ერთი უბანი - ერთი სუპერმარკეტის“ პრაქტიკაში დანერგვის მაგალითები ვიხილოთ. „დაახლოებით ერთი თვის წინ დავწერე მოკლე ტექსტი უმაღლესი განათლების ე.წ. რეფორმის შესახებ. ტექსტის ბოლოში ასეთი აბზაცი მქონდა: „ხოლო, ყველა სხვა სექტორის წარმომადგენელს, რომელიც დღეს კერძო სექტორშია და ფიქრობს, რომ ეს ცვლილებები (უმაღლესი განათლების სისტემაში) მაინც არ ეხება მას (მაგ. ჯანდაცვა, ფარმაცევტიკა, საცალო ვაჭრობა, საბანკო და სადაზღვევო საქმე, ენერგე...