„ერთ დღეში არ გავმხდარვარ წარმატებული, ყველაფერი ბევრი შრომის ფასად მოდის, წარუმატებლობამ არ უნდა შეგაშინოს" - ილია წულაია

„ბიზნესი ნულიდან კი არა, მინუსიდან დავიწყეთ - პირველი ოფისი მანქანაში გვქონდა,“ - ამის შესახებ კომპანია „არქის“ დამფუძნებელმა ილია წულაიამ რადიო „პალიტრასა“ და „პალიტრანიუსის“ ეთერში სტუმრობისას განაცხადა. რას მიიჩნევს წარმატებული ბიზნესის საიდუმლოდ, რას აკეთებს, როცა ბიზნესით არ არის დაკავებული, რა ასწავლა ცხოვრებამ - ამ და სხვა თემებზე ილია წულაიამ გადაცემა „საქმის“ საახალწლო ეთერში ისაუბრა. რადგან წლის ბოლოა, 2025 წლის შეჯამებით მინდა დავიწყო. რამდენად საინტერესო და მნიშვნელოვანი იყო ეს წელი თქვენთვის, თქვენი ბიზნესისთვის და შეგიძლიათ თუ არა ამ წელს უწოდოთ წარმატებული? დაბეჯითებით მინდა ვთქვა, რომ ძალიან წარმატებული წელი იყო. შარშანდელ წელს თუ შევადარებთ, 2025-ში გაყიდვებში 70%-იანი მატება გვაქვს. მსგავსი ტიპის მატება ბოლო 10 წლის განმავლობაში, კომპანიის ისტორიაში არ გვახსენდება, შესაბამისად, ძალიან წარმატებულად შევაფასებდი მიმდინარე წელს. კომპანია ბევრი მიმართულებით გაიზარდა, ბევრი სიახლე დაინერგა, როგორც მაღალი ტექნოლოგიების მიმართულებით, ისე ჩვენი, არქელების მომსახურების მიმარ...