ეკონომიკის სამინისტროს წარმომადგენლებმა USTDA-ს რეგიონულ დირექტორთან შუა დერეფნის პერსპექტივები განიხილეს

„ქართული ოცნების“ ეკონომიკის მინისტრის მოადგილეები გენადი არველაძე და ინგა ფხალაძე აშშ-ის ვაჭრობისა და განვითარების სააგენტოს (USTDA) რეგიონულ დირექტორს შუა აზიაში, ჩრდილოეთ აფრიკაში, ევროპასა და ევრაზიაში, კარლ კრესს შეხვდნენ და მასთან „სამომავლო თანამშრომლობის პრიორიტეტები განიხილეს“. ეკონომიკის სამინისტრომ 13 იანვარს განაცხადა, რომ ყურადღება შუა დერეფნის განვითარებაზე გამახვილდა. „შეხვედრაზე განსაკუთრებული ყურადღება გამახვილდა შუა დერეფანზე, მისი განვითარების მიზნით საქართველოს მთავრობის მიმდინარე და დაგეგმილ პროექტებზე, აგრეთვე ამ პროცესში ამერიკული სააგენტოს მიერ ტექნიკური მხარდაჭერის აღმოჩენის შესაძლებლობებზე“, – ნათქვამია სამინისტროს პრესრელიზში. „შეხვედრაზე ხაზი გაესვა, რომ შუა დერეფნის განვითარება და საქართველოს სატრანსპორტო ინფრასტრუქტურის საერთაშორისო სატრანზიტო სქემებში ინტეგრირება მთავრობის პრიორიტეტია”, – აღნიშნა სამინისტრომ და დასძინა, რომ ხაზი გაესვა ისეთი რეგიონული ინიციატივების განვითარების მნიშვნელობას, როგორიცაა ცენტრალური აზიის რეგიონული ეკონომიკური თანამშრომ...