ეკლესიიდან განკვეთეს მონაზონი, რომელიც ეპისკოპოსი ჯამდელიანისა და ყოფილი ვიცე-გუბერნატორის დაპირისპირებაში ფიგურირებს

ინფორმაცია ამ გადაწყვეტილების შესახებ დღეს, 24 დეკემბერს გაავრცელა ეპარქიამ ფეისბუკის გვერდზე. ამ წყაროს თანახმად, 24 დეკემბერს შეიკრიბა საეპარქიო სასამართლო, რომელსაც თავად ეპისკოპოსი გიორგი ჯამდელიანი თავმჯდომარეობდა. სხვა წევრები იყვნენ: საეპარქიო სასამართლომ განაჩინა, რომ მონაზონი თეკლა დამნაშავედ იქნას ცნობილი „არაერთ მძიმე დანაშაულში“ და „სრულიად განიკვეთოს სამონაზვნო დასიდან“: „დაყვანილ იქნას ერისკაცობამდე და დაუბრუნდეს ერის სახელს: ნატალია კუბლაშვილი. აეკრძალოს სამონაზვნო შესამოსლით შემოსვა, აგრეთვე სამონაზვნო ატრიბუტიკის ტარება და გამოყენება“, - წერია განჩინებაში. საეპისკოპოსო სასამართლოს გადაწყვეტილების თანახმად, მონაზონი თეკლა ჯერ კიდევ 2025 წლის 5 მაისს „განტევებულ იქნა“ ეპარქიიდან „ურჩობისა და თვითნებობის გამო“. ამავე წყაროს თანახმად: ეპარქიის სასამართლოს თანახმადვე, მონაზონი თეკლა „მამობრივი შემწყნარებლობით“ ისევ მიიღეს ეპარქიაში, რა დროსაც „სინანულისთვის“ დროებით გაგზავნეს მონასტერში. „[იქიდან] ჩვენთვის უცნობი გარემოებებით აღმოჩნდა ერში, სადაც იგი მის მიერვე მხილე...