„ე.ი. რაღაც უბედურება მოხდა“ - თამარ მეარაყიშვილის რვაწლიანი ბრძოლა

მეარაყიშვილის დაკავება სპეცოპერაციას ჰგავდა. ძალოვნებმა კორპუსს ალყა შემოარტყეს და ბინაში აივნიდან გადაძვრნენ. თამარი კარს არ აღებდა. ეს დეტალები დაკავებამდე თავად მოჰყვა ფეისბუკ-ლაივში. დე ფაქტო „კაგებემ“ განაცხადა, რომ თამარ მეარაყიშვილი ეჭვმიტანილია „ინფორმაციის გადაცემაში საქართველოს სპეცსამსახურებთან აფილირებული უცხოური მედიასაშუალებებისთვის“. ადგილობრივი ჟურნალისტები წერდნენ, რომ თამარის ერთ-ერთ ფოტოზე ფეისბუკზე სპეცსამსახურების თანამშრომლებმა სტრატეგიული ობიექტი შენიშნეს. ექსპერტი კონფლიქტების საკითხებში ზურაბ ბენდიანიშვილი ამბობს, რომ სინამდვილეში ცხინვალში მეარაყიშვილის ჯაშუშობის არავის სჯერა. „ის მსხვერპლია იმ სისტემისა და რეჟიმის, რომელიც იქ არსებობს. რეჟიმს არ აინტერესებს სამართალი. თან აქცენტი კეთდებოდა იმაზე, რომ ქართველია და თუ რამე დაემართებოდა, ამით არც არაფერი დაშავდებოდა. 8 წლის განმავლობაში ბევრი ხელისუფლება გამოიცვალა, მაგრამ მისთვის მაინც არაფერი იცვლებოდა... როგორც პრინციპული და ღიად მთქმელი ადამიანი, ყოველთვის უპირისპირდებოდა ხელისუფლების წარმომადგენლებს, ნე...