„ძალიან არაპოპულარულ რაღაცას ვიტყვი და დეველოპერები ალბათ, კრიტიკის ქარცეცხლში გამატარებენ“ - შესაძლოა, შიდა განვადებები აიკრძალოს

"ის „ბაირამობა“, რომელიც ბაზარზე წლების განმავლობაში იყო დეველოპერების მხრიდან, სამწუხაროდ, თუ საბედნიეროდ, შეჩერდება და არ გაგრძელდება იმ ტემპით, როგორც იყო", - ამის შესახებ „დეველოპერული სერვისების" დამფუძნებელმა გივი კორინთელმა „პალიტრანიუსისა“ და რადიო „პალიტრას“ გადაცემაში „საქმე“ განაცხადა. საუბარია, შიდა განვადებების რეგულირებაზე. როგორც გივი კორინთელმა განმარტა, თუ შიდა განვადებას მთლიანად საბანკო სესხი ჩაანაცვლებს, გაყიდული ბინის თანხები პირდაპირ ბანკში წავა და შემდეგ საფინანსო თავადვე დააფინანსებს მშენებლობას. "ძალიან არაპოპულარულ რაღაცას ვიტყვი და დეველოპერები ალბათ, კრიტიკის ქარცეცხლში გამატარებენ, მაგრამ ეროვნულ ბანკს ერთი კვირის წინ წამოსცდა, გაიელვა ამ ინფორმაციამ, რომ შესაძლოა, დეველოპერების შიდა განვადებები გაიყვანონ პასუხისმგებლობიანი დაკრედიტების რეგულაციაში. ხვდებით რა ხდება, თუ აეკრძალა დეველოპერებს შიდა განვადების გაკეთება და ბანკის სესხი ჩაანაცვლებს, ფაქტობრივად, გაყიდული ბინის თანხები პირდაპირ ბანკში წავა, იქ გაიყინება და მერე ბანკი დააფინანსებს უკვე მშენებლობ...