დრონები, რაკეტები და კიდევ რა? - ირანის როლი რუსეთისთვის უკრაინასთან ომში

ბოლო წლებში ირანი რუსეთისთვის სამხედრო აღჭურვილობის მთავარი მიმწოდებელი იყო, განსაკუთრებით მას შემდეგ, რაც კრემლი 2022 წელს უკრაინაში შეიჭრა. თუმცა რადიო თავისუფლებას ექსპერტებმა უთხრეს, რომ მოსკოვისთვის ეს მხარდაჭერა აღარ თამაშობს მთავარ როლს ომში. 20221 წლიდან რუსეთისთვის მიწოდებული ირანული საჰაერო თავდაცვისა და ბალისტიკური რაკეტების ღრებულება 2,7 მილიარდი დოლარი იყო, ნათქვამია Bloomberg-ის 12 იანვრის რეპორტაჟში, რომელიც ეყრდნობა უსაფრთხოების სფეროს დასავლელ წარმომადგენელს. წყაროს ვინაობას Bloomberg-ი არ ამხელს. ვაჭრობის მოცულობაზე მოსკოვი საჯაროდ არ ლაპარაკობს, ხოლო ირანი საერთოდ უარყოფს რუსეთისთვის რაიმეს მიწოდებას. „სანამ მხარეებს შორის კონფლიქტი გრძელდება, ირანი თავს შეიკავებს რომელიმე მხარისთვის რაიმე სახის სამხედრო დახმარების გაწევისგან“, - ნათქვამია გაეროში ირანის მუდმივი წარმომადგენლობის განცხადებაში, რომელიც მაისში გავრცელდა. არადა ფაქტები საპირისპიროს ადასტურებს. ეს განსაკუთრებით ეხება „შაჰედის” ტიპის დრონების გამოყენებას უკრაინაში სრულმასშტაბიანი ომის ადრეულ ეტაპზე. მ...