დონალდ ტრამპი - ნატო 20 წელია დანიას ეუბნება, რომ „გრენლანდიიდან რუსული საფრთხე უნდა მოაშოროს“ - დანიას არაფრის გაკეთება არ შეუძლია

ნატო 20 წელია დანიას ეუბნება, რომ „გრენლანდიიდან რუსული საფრთხე უნდა მოაშოროს“. სამწუხაროდ, დანიას ამასთან დაკავშირებით არაფრის გაკეთება არ შეუძლია, - ამის შესახებ აშშ-ის პრეზიდენტი დონალდ ტრამპი Truth Social-ში წერს. „ახლა დროა და ეს გაკეთდება!!!“ - აცხადებს ტრამპი. ცნობისთვის, ტრამპმა ორი დღის წინ განაცხადა, რომ აშშ გრენლანდიასთან დაკავშირებით ნატო-სთან დიალოგს აწარმოებს. „გრენლანდიასთან დაკავშირებით ნატო-ს ვესაუბრებით. გრენლანდია ეროვნული უსაფრთხოებისთვის ძალიან გვჭირდება. თუ მას ვერ მივიღებთ, მაშინ ეროვნულ უსაფრთხოებაში დიდი ხვრელი გვექნება, კერძოდ, „ოქროს გუმბათისა“ და სხვა საკითხების თვალსაზრისით“, - განაცხადა ტრამპმა.