დიდ დიღომში მშენებლობაზე მუშა დაიღუპა

თბილისში, დიდ დიღომში კორპუსის მშენებლობაზე მუშა დაიღუპა. „ტვ პირველის“ ინფორმაციით, 25 წლის ახალგაზრდას დენმა დაარტყა. შემთხვევა გვიან ღამით მოხდა. როგორც „ნეტგაზეთს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.