დღეიდან სახელმწიფო ქონების პირდაპირი მიყიდვის შემთხვევაში ახალი წესები ამოქმედდა

საქართველოს მთავრობამ სახელმწიფო საკუთრებაში არსებული უძრავი ნივთების გაცვლისა და პირდაპირი მიყიდვის ფორმით პრივატიზების ახალი წინაპირობები დაამტკიცა.მთავრობის დადგენილების მიხედვით, რომელიც 2026 წლის 12 იანვრიდან შედის ძალაში, განისაზღვრა ის კრიტერიუმები, რომლითაც ბიზნესს ან ფიზიკურ პირებს სახელმწიფო ქონება აუქციონის გარეშე გადაეცემათ.მთავრობას შეუძლია სახელმწიფო ქონება პირდაპირი მიყიდვის ფორმით გაასხვისოს რამდენიმე კონკრეტულ შემთხვევაში:- საპრივატიზებო უძრავ ნივთზე არანაკლებ 100 000 000 (ასი მილიონი) ლარის (დამატებული ღირებულების გადასახადის გათვალისწინების გარეშე) ოდენობის ინვესტიციის განხორციელების პირობით; - თუ საპრივატიზებო უძრავი ნივთი წარმოადგენს დაინტერესებული პირის საკუთრებაში არსებული უძრავი ნივთის მომიჯნავე ქონებას, დაინტერესებული პირის საკუთრებაში არსებულ შესაბამის უძრავ ნივთზე განხორციელებულია არანაკლებ 100 000 000 (ასი მილიონი) ლარის ინვესტიცია/დანახარჯი, რომელიც დადასტურდება „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-14 მუხლის მე-7 პ...