„დარგში კვლავ მძიმე მდგომარეობაა, სტაბილურად მხოლოდ 2 ქარხანა მუშაობს - პატარა საწარმოების ნაწილი გაჩერდა“ - ფეროშენადნობთა ასოციაცია

„დარგში კვლავ მძიმე მდგომარეობაა“ - ამის შესახებ „ბიზნესპრესნიუსს“ ფეროშენადნობთა ასოციაციის თავმჯდომარე ნუგზარ კევლიშვილმა განუცხადა და სექტორში არსებულ გამოწვევებზე ისაუბრა. მისი თქმით, გლობალურ ბაზრებზე ფეროსილიკონმანგანუმის ფასი კვლავაც დაბალია, რასაც ემატება საქართველოში შემოდგომა-ზამთრის პერიოდში ელექტროენერგიის მაღალი ფასები. ეს კი მაშინ, როცა თვითღირებულებაში 30% მაინც სწორედ ელექტროენერგიის ხარჯებს უკავია. ამ ფონზე ქვეყანაში ამჟამად სტაბილურად მხოლოდ 2 ქარხანა მუშაობს, დანარჩენი კი ან გაჩერებულია, ან ჩართვა-გამორთვის რეჟიმზეა გადასული. „დარგში კვლავ მძიმე მდგომარეობაა, ფასები ისევ დაბალ ნიშნულზეა. საშუალოდ 1 200 დოლარია 1 მეტრიკულ ტონაზე ფეროსილიკონმანგანუმის ფასი. ამას ემატება ისიც, რომ შემოდგომა-ზამთრის პერიოდში ქვეყანაში ელექტროენერგიაზე ფასი მზარდია, რამაც კიდევ უფრო ნეგატიური ზეგავლენა იქონია სექტორზე. გაზაფხული-ზაფხულის პერიოდში, როდესაც ჰიდროელექტროსადგურები მუშაობენ, მაშინ ელექტროენერგია იაფია, გასულ წელს რამდენიმე ქარხანაც ჩაირთო, წინა წლის სტატისტიკაც გაუმჯობესდა დ...