დანია აღშფოთებულია აშშ-ს მიერ გრენლანდიაში საგანგებო წარმომადგენლის დანიშვნით

გრენლანდიის საკითხი აშშ-სა და დანიას შორის კვლავ დიპლომატიურ დაძაბულობის მიზეზი გახდა აშშ-ის მიერ გრენლანდიაში საგანგებო წარმომადგენლის დანიშვნის შემდეგ. დანიის საგარეო საქმეთა მინისტრმა რასმუსენმა განაცხადა, რომ პრეზიდენტ ტრამპის გადაწყვეტილება სრულიად მიუღებელია. მთავრობამ გამოაცხადა, რომ კოპენჰაგენში აშშ-ს ელჩს იბარებს.დანიის პრემიერმინისტრმა მეტე ფრედერიქსენმა და მისმა გრენლანდიელმა კოლეგამ იენს-ფრედერიკ ნილსენმა ერთობლივი განცხადება გაავრცელეს, სადაც ხაზგასმით აღნიშნეს, რომ სახელმწიფო საზღვრები და სახელმწიფოების სუვერენიტეტი საერთაშორისო სამართალშია გათვალისწინებული და ფუნდამენტურ პრინციპებს წარმოადგენს.გრენლანდია დანიის სამეფოს ეკუთვნის, მაგრამ ძირითადად ავტონომიურია და თვითმმართველობა აქვს. აშშ-ს პრეზიდენტმა დონალდ ტრამპმა არაერთხელ გამოთქვა ტერიტორიული პრეტენზიები რესურსებით მდიდარი კუნძულისგამო. 21 დეკემბერს, თავის ონლაინ პლატფორმა Truth Social-ზე მან გამოაცხადა, რომ ლუიზიანის გუბერნატორი ჯეფ ლენდრი დაიკავებდა გრენლანდიაში აშშ-ს სპეციალური წარმომადგენლის ახლად შექმნილ თანამდე...