„დამამახსოვრდა გვარი - რომანოვი“: რას ჰყვება ერთ-ერთი მოწმე ჯანგველაძე-ფარცხალაძის სავარაუდო კონფლიქტზე

გამოძიება ფარცხალაძეს აგვისტოს შემდეგ ოფიციალურად განიხილავდა საქმის მნიშვნელოვან ფიგურანტად, ოქტომბერში აცხადებდა, რომ „მნიშვნელოვანი მტკიცებულებებია მოპოვებული“, დეკემბრის ბოლოს კი, ჯანგველაძის ორი მეგობრის ჩვენების შემდეგ ფარცხალაძეზე ძებნა გამოაცხადეს. ჩვენებები ეკუთვნით რუსეთის მოქალაქეებს, იური მიკულსკისა და როზა ნარცისოვას. ორივეს მონათხრობის თანახმად, ისინი მოკლული ჯანგველაძის ახლო გარემოცვის წევრები იყვნენ. დაცვის მხარის მტკიცებით, საქმეში პირდაპირი მტკიცებულება არ არსებობს, მათ შორის რუსეთის მოქალაქეების ეს ჩვენებები „ირიბი მტკიცებულებაა“ და არაფერს ადასტურებს მკვლელობის ორგანიზების თაობაზე. 42 წლის ილია მიკულსკი 2025 წლის 26 დეკემბერს გამოჰკითხეს თბილისის პოლიციის დეპარტამენტის საგამოძიებო მთავარ სამმართველოში. მოსკოვში მცხოვრები მიკულსკი ამბობს, რომ ლევან ჯანგველაძესთან „საკმაოდ ახლო ურთიერთობა“ ჰქონდა. კანონიერი ქურდის, მერაბ ჯანგველაძის, იგივე „სოხუმსკის“ ძმას იგი ასე ახასიათებს: „მას ჰქონდა დიდი ავტორიტეტი როგორც ქართველ მოსახლეობაში, ასევე რუსებშიც და სხვა ეროვნები...