დაძაბულობა იყო სომხეთში, ეჯმიაწინის მონასტერში - 10-მა ეპისკოპოსმა კვლავ მოითხოვა კათალიკოსის გადადგომა

ნიკოლ ფაშინიანმა დღეს, 18 დეკემბერს კიდევ ერთხელ განაცხადა, რომ სომხეთის სამოციქულო ეკლესია „უნდა იქნას დაცული კრტიჩ ნერსისიანისგან [კათალიკოს გარეგინ II-ისგან - მას ფაშინიანი ერისკაცობის სახელით მოიხსენიებს] და სექტანტების სხვა ჯგუფებისგან, რომლებსაც წმინდა ეჯმიაწინი აქვთ ოკუპირებული“. გუშინ, 17 დეკემბერს ნიკოლ ფაშინიანის მომხრედ მიჩნეულმა 10-მა ეპისკოპოსმა საზოგადოებას მოუწოდა, ხუთშაბათს, 18 დეკემბერს შეკრებილიყვნენ ეჯმიაწინის მონასტერში. სომხეთის პოლიციის უფროსმა, არამ ღაზარიანმა ჟურნალისტების კითხვაზე, რატომ არის ამდენი პოლიციელი მობილიზებული, განაცხადა, რომ იქ „საჭიროებიდან გამომდინარე“ არიან. ასევე თქვა: „დედა ეკლესია ყველა ჩვენგანს ეკუთვნის“. მონასტერში შეიკრიბნენ როგორც გარეგინ II-ის მოწინააღმდეგე მოქალაქეები, - რომლებიც იქ მისვლით გამოეხმაურნენ 10 მღველმთავრის მოწოდებას, - ასევე მისი მომხრეები. პოლიციის კორდონი ორ ჯგუფს შორისაა გამაგრებული. ერთი მხარე სკანდირებს გარეგინ II-ის მხარდასაჭერ სლოგანებს, მეორე მხარე კი პირიქით: „წადი! წადი“. მღველმთავრებმა წაიკითხეს განცხადება,...