ჭკვიანი ლინზებიდან ხელოვნურ სისხლამდე - 2025 წლის მთავარი მოვლენები მსოფლიო მედიცინაში

Forbes-მა 2025 წლის სამედიცინო სიახლეები შეკრიბა, რომლებიც მედიცინის აწმყოსა და მომავალზე პირდაპირ გავლენას ახდენენ. ეს სია რევოლუციურ აღმოჩენებსა და ტექნოლოგიებს, ასევე, ახალ სამედიცინო პრეპარატებსა და მკურნალობის მეთოდებს მოიცავს.კერძოდ, „ბიზნესპრესნიუსი“ Forbes-ზე დაყრდნობით გთავაზობთ რამდენიმე მათგანს:ხელოვნური სისხლიიაპონიაში ხელოვნური სისხლის კლინიკური კვლევები დაიწყო. საუბარია ე.წ. ჰემოგლობინის ვეზიკულებზე, ანუ მიკროკაფსულებზე, რომლებიც გაწმენდილ ჰემოგლობინს შეიცავს და ჟანგბადის გადატანა ისე შეუძლიათ, რომ სისხლის ჯგუფის განსაზღვრას არ საჭიროებენ. ეს გამოგონება საგანგებო სიტუაციებისთვის, მათ შორის, ტრავმების, ოპერაციისა და კატასტროფებისთვის არის გამიზნული, როცა დონორის სისხლი მიუწვდომელი ან შეზღუდულია. შემქმნელები ვარაუდობენ, რომ წარმატების შემთხვევაში უფრო მასშტაბურ კლინიკურ კვლევებზე გადავლენ და მომდევნო წლებში ტექნოლოგიის პრაქტიკულ გამოყენებას დაიწყებენ.ხელოვნური ინტელექტი და წამლები2025 წელს აშშ-ის მასაჩუსეტსის ტექნოლოგიური ინსტიტუტის მკვლევარებმა ერთ-ერთი ყველაზე დამაჯერებელ...