ჩხოროწყუში ავტოსაგზაო შემთხვევას 21 წლის ახალგაზრდა ემსხვერპლა

ჩხოროწყუს მუნიციპალიტეტში ავტოსაგზაო შემთხვევა მოხდა. მანქანის მძღოლმა საჭე ვერ დაიმორჩილა და ხეს შეეჯახა, რის შედეგადაც, ავტომობილში მყოფი 21 წლის ახალგაზრდა დაიღუპა, 1 პირი კი დაშავდა. როგორც ტაბულას შსს-ში უთხრეს, მანქანის მძღოლი დაკავებულია. ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.