ჩილეში ტყის ხანძარს, სულ მცირე, 18 ადამიანი ემსხვერპლა

ჩილეში ტყის ხანძარს, სულ მცირე, 18 ადამიანი ემსხვერპლა. ქვეყნის პრეზიდენტის, გაბრიელ ბორიჩის თქმით, მოსალოდნელია, რომ დაღუპულთა რიცხვი გაიზრდება. სტიქიის გამო ბორიჩმა ქვეყნის ორ რეგიონში, ნიუბლესა და ბიობიოში კატასტროფის მდგომარეობა გამოაცხადა. ამ რეგიონებიდან ევაკუირებულია 50 000-მდე ადამიანი. ხელისუფლების ცნობით, ამ რეგიონებში ცეცხლა 8 500 ჰექტარი გაანადგურა. ჩილეს კატასტროფების მართვის სამსახურის წარმომადგენლის თქმით, ხანძრის შედეგად განადგურებულია 500-მდე საცხოვრებელი სახლი. ქვეყნის სატყეო სააგენტოს ინფორმაციით, ჩილეში ამჟამად მეხანძრეები ხანძრის, სულ მცირე, 24 კერას ებრძვიან.