ბუდანოვი, მალიუკი, შმიგალი და სხვა... - რას "ერჩის" ზელენსკი თავის კადრებს?

უკრაინაში მიმდინარეობს მასშტაბური საკადრო როტაცია და ხელისუფლების გადატვირთვა, რომელსაც პრეზიდენტი ვოლოდიმირ ზელენსკი ახორციელებს, განსაკუთრებით ე.წ. ძალოვან ბლოკში. ზელენსკის თქმით, საკადრო გადაადგილების მიზანია სამშვიდობო მოლაპარაკებების ამჟამინდელ საკვანძო ეტაპზე უკრაინის მხარისა და მისი პოზიციების გაძლიერება. თუმცა, როგორც ექსპერტები შენიშნავენ, ეს მხოლოდ საკითხის ერთი მხარეა. მათი ვარაუდით, ხორციელდება შიდაპოლიტიკური შინაარსის მქონე საკადრო გადაადგილებები, რომლებიც შესაძლოა, პირდაპირ იყოს დაკავშირებული არჩევნებთან. 2026 წლის დადგომასთან ერთად, უკრაინაში აქტიური საკადრო როტაციის პროცესი დაიწყო. კირილო ბუდანოვი, ვასილ მალიუკი, მიხაილ ფედოროვი, დენის შმიგალი და სერგეი კისლიცა - ყველა მათგანი პრეზიდენტ ზელენსკის გუნდის გამოცდილი წევრია, რომლებმაც მნიშვნელოვან წარმატებებს მიაღწიეს მათთვის ჩაბარებულ თანამდებობებზე, თუმცა, 2026 წლის 2 იანვარს გამოცხადებული გადაწყვეტილების თანახმად, ვოლოდიმირ ზელენსკის ისინი სხვა თანამდებობებზე გადაიყვანა. მასშტაბური ცვლილებები დაიწყო გენერალ კირილო ბუ...