ბრაზი, ირონია და სასოწარკვეთა - 2025 წელი საპროტესტო ბანერებზე

“დაუბრუნდეს საზოგადოებრივი მაუწყებელი ხალხს” - 29 იანვარს, საღამოს 7 საათზე თბილისში, საზოგადოებრივ მაუწყებელთან საპროტესტო აქციამ საავტომობილო გზა გადაკეტა. დემონსტრანტები მაუწყებლის სამეურვეო საბჭოს თავმჯდომარის და დირექტორის გადადგომას მოითხოვენ. ორივე მათგანი წლის ბოლომდე დარჩება ამ თანამდებობებზე და დირექტორის, თინათინ ბერძენიშვილის ხელფასი წლის ბოლოს 15 000 ლარამდე გაიზრდება, იმ თანამშრომლებს კი, რომლებიც საზოგადოებრივ მაუწყებელს აკრიტიკებდნენ, სამსახურიდან ნელ-ნელა გაათავისუფლებენ. 22 იანვარს თბილისში, სპეციალურ საგამოძიებო სამსახურთან გაზეთების, "ბათუმელებისა" და "ნეტგაზეთის" დამფუძნებლის, მზია ამაღლობელის მხარდამჭერი აქცია იმართება - ამაღლობელი 2024 წლის 11 იანვრის ღამეს დააკავეს, 2 აგვისტოს მას 2-წლიან პატიმრობას მიუსჯიან. „სინდისის პატიმრების“ მხარდასაჭერად რამდენიმე სხვადასხვა ადგილიდან თბილისში საპროტესტო მარშები იმართება 31 იანვარს; 2 თებერვალს თბილისის შემოსასვლელთან, "თბილისი მოლთან" იმართება აქცია - პარალელურად სტუდენტები მსვლელობას მართავენ თავისუფალი და აგრარული...