Bloomberg: ირანმა 2021 წლის ბოლოდან რუსეთს 2,7 მლრდ დოლარის რაკეტები გადასცა

ირანმა რუსეთს დაახლოებით 2,7 მილიარდი დოლარის ღირებულების ბალისტიკური და საზენიტო რაკეტები მიაწოდა, იტყობინება Bloomberg-ი უსაფრთხოების სფეროს დასავლელ წარმადგენელზე, რომელმაც ანონიმად ისურვა დარჩენა. თეირანმა მოსკოვთან კონტრაქტების გაფორმება დაიწყო 2021 წლის ოქტომბრიდან, რუსეთის მიერ უკრაინაში სრულმასშტაბიანი შეჭრის დაწყებამდე რამდენიმე თვით ადრე. ეს კონტრაქტები მოიცავდა ასობით Fatah-360 ტიპის მოკლე რადიუსის ბალისტიკური რაკეტის მიწოდებას, 500-მდე სხვა მოკლე რადიუსის ბალისტიკურ რაკეტას და თითქმის 200 საზენიტო რაკეტას. გარდა ამისა, სააგენტოს ცნობით, ირანმა რუსეთს მიაწოდა მილიონობით ვაზნა და ჭურვი, ასევე Shahed-136 დრონები და გაუზიარა ტექნოლოგია, რომელმაც რუსეთს საშუალება მისცა, ისინი „გერან-2“-ის სახელწოდებით თავად ეწარმოებინა 2023 წლის დასაწყისში ხელმოწერილი 1,75 მილიარდი დოლარის ღირებულების კონტრაქტის ფარგლებში. საერთო ჯამში, დასავლური წყაროების შეფასებით, რუსეთმა 2021 წლის ბოლოდან ირანულ იარაღზე 4 მილიარდ დოლარზე მეტი დახარჯა. ინფორმაცია იმის შესახებ, რომ ირანს Shahed-136 კამიკაძ...