Bloomberg: აშშ ახალ სანქციებს ამზადებს იმ შემთხვევისთვის, თუ რუსეთი სამშვიდობო გეგმას უარყოფს

აშშ რუსეთის წინააღმდეგ ამზადებს ახალ სანქციებს, რომლებიც შესაძლოა, აამოქმედოს იმ შემთხვევაში, თუ პუტინი უარყოფს უკრაინაში ომის შეწყვეტის ამერიკულ გეგმას. ამის შესახებ ინფორმირებულ წყაროებზე დაყრდნობით წერს სააგენტო Bloomberg. წყაროთა თანახმად, აშშ განიხილავს სხვადასხვა ვარიანტს, მათ შორის სანქციების ამოქმედებას რუსული ნავთობის ტრანსპორტირებასა და ამ ნავთობით ვაჭრობაში ჩართული „ჩრდილოვანი ფლოტის“ გემებისა და ტრეიდერების წინააღმდეგ. Bloomberg-ის წყაროთა ცნობით, შეერთებული შტატების ფინანსთა მინისტრმა სკოტ ბესენტმა ვაშინგტონის გეგმა ამ კვირაში განიხილა ევროპული სახელმწიფოების ელჩების ჯგუფთან შეხვედრისას. ახალი სანქციების შესაძლო ამოქმედების საკითხს საბოლოოდ პრეზიდენტი ტრამპი გადაწყვეტს. რუსული სააგენტოების, „ტასის“ და „ინტერფაქსის“ ცნობით, კრემლის პრესმდივანმა დმიტრი პესკოვმა დღეს, 17 დეკემბერს მოსკოვში ჟურნალისტებს განუცხადა, რომ ცნობები ახალი შესაძლო სანქციების შესახებ არ უნახავთ, თუმცა „კარგადაა ცნობილი რომ ვაშინგტონში, ზოგიერთ კაბინეტში ასეთი გეგმები არის“. პრეზიდენტ დონალდ ტრამპის...