„ბიზნესი სიჩუმიდან გამომდინარე, მაქვს მოლოდინი, რომ „ქართული ოცნება“ და ბიზნესი გარიგდება“ - ბესიკ დონაძე სურსათის ფასებზე

„ბიზნესი სიჩუმიდან გამომდინარე, მაქვს მოლოდინი, რომ „ქართული ოცნება“ და ბიზნესი გარიგდება“ - სურსათის ფასების შესახებ საუბრისას რადიო „პალიტრას“ გადაცემაში „თქვენი დრო“ „კოალიცია ცვლილებებისთვის“ წევრმა ბესიკ დონაძემ განაცხადა. მისი თქმით, სურსათის ფასებზე საუბრისას ირაკლი კობახიძემ დაადანაშაულა ბიზნესი, რასაც ბიზნესის მხრიდან შესაბამისი პასუხი უნდა გასცემოდა, თუმცა, ბიზნესი დუმს. ბესიკ დონაძე აღნიშნავს, რომ ამ ფონზე აქვს მოლოდინი, რომ ბიზნესი და „ქართული ოცნება“ გარიგდება, ბიზნესი საკუთარი მოგების შემცირების ხარჯზე დაწევს ფასებს, თუმცა, ამ თანხების კომპენსირება შემდეგ სახელმწიფოს მხრიდან სხვადასხვა სახით მოხდება. „პროპაგანდას უნდა ვუპასუხოთ, პროპაგანდა ვერ იმუშავებს, თუ მას ექნება მეორე მხრიდან მკაცრი და გარკვეული პასუხები. ამ შემთხვევაში ბიზნესისგან, სამწუხაროდ, კობახიძემ ვერ მიიღო პასუხები. კობახიძეს უკვე დალაგებული აქვს, მან ფასებში დაადანაშაულა ბიზნესი. ბიზნესმა უნდა გასცეს პასუხი კობახიძეს, რომ ფასები დაიწევს, თუ დაიწევს გადასახადები. სხვა შემთხვევაში გამოდის, რომ კობახიძე ბიზნ...