ბერლინში აშშ-ის დელეგაციას, ვოლოდიმირ ზელენსკისა და ევროპელ ლიდერებს შორის შეხვედრა მიმდინარეობს

ბერლინში აშშ-ის დელეგაციას, უკრაინის პრეზდენტ ვოლოდიმირ ზელენსკისა და ევროპელ ლიდერებს შორის შეხვედრა მიმდინარეობს , - ინფორმაციას The Guardian-ი ავრცელებს. შეხვედრაში მონაწილეობენ: ფინეთის პრეზიდენტი ალექსანდრ სტუბი, პოლონეთის პრემიერ-მინისტრი დონალდ ტუსკი, საფრანგეთის პრეზიდენტი ემანუელ მაკრონი, გერმანიის კანცლერი ფრიდრიხ მერცი, უკრაინის პრეზიდენტი ვოლოდიმირ ზელენსკი, იტალიის პრემიერ-მინისტრი ჯორჯია მელონი, ნორვეგიის პრემიერ-მინისტრი იონას გარ სტორე, ნატო-ს გენერალური მდივანი მარკ რუტე, დანიის პრემიერ-მინისტრი მეტე ფრედერიქსენი, ევროკომისიის პრეზიდენტი ურსულა ფონ დერ ლაიენი, ნიდერლანდების პრემიერ-მინისტრი დიკ სხოფი და შვედეთის პრემიერ-მინისტრი ულფ კრისტერსონი. აშშ-ის დელეგაციას დონალდ ტრამპის მრჩევლები, სტივ უიტკოფი და ჯარედ კუშნერი წარმოადგენენ. მანამდე მედიაში ინფორმაცია გავრცელდა, რომ შესაძლოა, ლიდერებთან შეხვედრას აშშ-ის პრეზიდენტი, დონალდ ტრამპი სატელეფონო ფორმატში შეუერთდეს.