ბელარუსი კაცები წითელი პომადით - მარია კოლესნიკავას მხარდამჭერი ფლეშმობი, რომელსაც პროპაგანდა „სამარცხვინოს“ უწოდებს

13 დეკემბერს ბელარუსის ხელისუფლებამ, აშშ-ის სანქციების ნაწილის მოხსნის სანაცვლოდ, ციხიდან გაათავისუფლა 123 პოლიტპატიმრისგან შემდგარი დიდი ჯგუფი. გათავისუფლებულთა შორის იყო რამდენიმე მნიშვნელოვანი ფიგურა, მათ შორის 2020 წლის საპროტესტო გამოსვლების ერთ-ერთი ლიდერი, მარია კოლესნიკავა. კოლესნიკავა, ისევე როგორც თითქმის ყველა სხვა გათავისუფლებული პოლიტპატიმარი, რამდენიმე წლის განმავლობაში წამებასთან გათანაბრებულ პირობებში იმყოფებოდა: ძირითადად სამარტოო საკანში, ოჯახთან კონტაქტის გარეშე. თუმცა, ამან ის ვერ გატეხა. გათავისუფლებისთანავე გადაღებულ ფოტოებზე მარია კალესნიკავა იღიმის და ხელისგულებით გულის ნიშანს აკეთებს: ასევე, გათავისუფლებისთანავე კოლესნიკავას სახეზე გაჩნდა მისივე „საფირმო“ კაშკაშა წითელი პომადა, რომელსაც ის 2020 წლის ყველა საპროტესტო აქციაზე იყენებდა: მარიას და სხვა პოლიტიკური პატიმრების გათავისუფლება სასიხარულო მოვლენა იყო ბევრი ბელარუსელისთვის როგორც სამშობლოში, ასევე მის ფარგლებს გარეთ. პოლიტიკური პატიმრის მხარდაჭერის გამოსახატავად, ბევრმა ბელარუსმა ქალმა სოციალურ მედიაში...