ათ თვეში საქართველოდან რუსეთში 8 ავტომობილი გავიდა - როგორია საშუალო საექსპორტო ფასი?

2025 წლის იანვარ-ოქტომბერში საქართველოდან რუსეთში რეექსპორტზე გავიდა 8 ერთეული მსუბუქი ავტომობილი, - ამის შესახებ ირკვევა სტატისტიკის ეროვნული სამსახურის მონაცემებიდან. ამავე მონაცემების თანახმად, აღნიშნული 8 ავტომობილის ჯამური ღირებულება 139.3 ათასი დოლარი იყო. გამოდის რომ, საშუალოდ ერთი ავტომობილის საექსპორტო ფასი გადასახადების გარეშე 17 413 დოლარი იყო (ავტორის შენიშვნა: გამოშვების წლის, მარკისა და სხვა მახასიათებლების მიხედვით, ფასი შესაძლოა, საშუალოზე ბევრად მეტი ან ნაკლები ყოფილიყო). რაც შეეხება წინა წლის მონაცემებს, საქსტატის მიხედვით, 2024 წლის იანვარ-ოქტომბერში რუსეთში 142.7 ათასი დოლარის ღირებულების 7 ავტომობილის რეექსპორტი განხორციელდა. აღსანიშნავია, რომ რუსული Avtostat-ის ბოლო მონაცემებით, ოქტომბერში, რუსეთში მეორადი ავტომობილების მთლიანი იმპორტის 10.2% საქართველოდან განხორციელდა, რაც დაახლოებით 6 120 მანქანას შეადგენს. შეგახსენებთ, ევროკავშირის სანქციების მე-11 პაკეტის ფარგლებში 2023 წლის 26 სექტემბრიდან საქართველოდან რუსეთსა და ბელარუსში ევროპული ავტომობილების რეექსპორ...