აშშ ვენესუელურ ნავთობს ექსპორტზე თავად გაიტანს

აშშ ვენესუელას საზღვაო ბლოკადას მოხსნის, თუმცა ნავთობის ექსპორტს გააკონტროლებს. კერძოდ, გაყიდვებიდან მიღებული შემოსავალი „აშშ-ის მთავრობის მიერ კონტროლირებად ანგარიშებზე ჩაირიცხება“ და ვენესუელის ეკონომიკის აღსადგენად იქნება გამოყენებული. ამის შესახებ აშშ-ის ენერგეტიკის მინისტრ კრის რაიტმა განაცხადა, რასაც Bloomberg ავრცელებს. მისი თქმით, აშშ ჯერ ვენესუელას საცავებში არსებულ ნავთობს გაყიდის, შემდეგ კი ადგილობრივად წარმოებული ნავთობის გაყიდვას „განუსაზღვრელი ვადით“ დაიწყებს. სიტუაციის მცოდნე პირმა Bloomberg-ს განუცხადა, რომ ეს თანხა აშშ-ის ხაზინის ანგარიშებზე განთავსდება და ვენესუელელი კრედიტორებისგან იქნება დაცული. ადმინისტრაციის ორი ჩინოვნიკის ცნობით, აშშ ვენესუელას წინააღმდეგ სანქციებს თანდათან შეამსუბუქებს. მიმდინარე კვირას დონალდ ტრამპმა განაცხადა, რომ ვენესუელა შეერთებულ შტატებს 30-დან 50 მლნ ბარელამდე სანქცირებულ ნავთობს გადასცემს, რომელიც საბაზრო ფასებში გაიყიდება, ხოლო შემოსავალი ორივე ქვეყნის მოსახლეობის კეთილდღეობას მოხმარდება. მექსიკის ყურის სანაპიროზე მდებარე აშშ-ის მრ...