აშშ ვენესუელის დროებითი პრეზიდენტისგან კონკრეტულ ნაბიჯებს მოითხოვს - Politico

წყაროთა თანახმად, აშშ-ის ოფიციალურმა პირებმა როდრიგესს უთხრეს, რომ მისგან სურთ სულ მცირე სამი რამ - ნარკოტიკების ნაკადების აღკვეთა, ირანელი, კუბელი და ვაშინგტონის მიმართ მტრულად განწყობილი სხვა აგენტების გაძევება და შეერთებული შტატების მოწინააღმდეგეებისთვის ნავთობის მიყიდვის შეწყვეტა. გარდა ამისა, აშშ მოელის, რომ დელსი როდრიგესი უზრუნველყოფს თავისუფალი არჩევნების ჩატარებას და გადადგება. აშშ-ის მიერ ვენესუელის მეთაურის, ნიკოლას მადუროსა და მისი ცოლის დაკავების შემდეგ ამ ქვეყნის პრეზიდენტის მოვალეობას ვიცე-პრეზიდენტი დელსი როდრიგესი ასრულებს. მან ფიცი 5 იანვარს დადო. ვენესუელის კონსტიტუციით, დროებითმა მმართველმა ახალი არჩევნები 30 დღის განმავლობაში უნდა დანიშნოს. აშშ-ის პრეზიდენტმა დონალდ ტრამპმა გამორიცხა, რომ ვენესუელაში ახალი საპრეზიდენტო არჩევნები ერთ თვეში ჩატარდება. 5 იანვარს ტრამპმა ტელეკომპანია NBC News-ს განუცხადა, რომ არჩევნების ჩატარებას დრო დასჭირდება და მანამდე ვენესუელაში წესრიგი უნდა დაამყარონ და „გამოაჯანმრთელონ”. როგორც Politico წერს, მიუხედავად იმისა, რომ სერიოზული...