აშშ-ში მორიგი ინციდენტია მიგრანტების გამოსავლენად მოქმედი ფედერალური აგენტების მონაწილეობით

საბაჟო და სასაზღვრო დაცვის სამსახური შიდა უსაფრთხოების სამინისტროს შემადგენლობაშია. სამინისტროს თანახმად, მისი აგენტები თავდაცვის მიზნით მოქმედებდნენ. პორტლენდის მერის განცხადებით, წავიდა ის დრო, როცა ფედერალური მთავრობის განმარტება დამაჯერებელი იყო. შიდა უსაფრთხოების სამინისტროს სტრუქტურაში მყოფი ორი უწყების - საბაჟო და სასაზღვრო სამსახურის და საიმიგრაციო და საბაჟო სამსახურის წარმომადგენლები აშშ-ის სხვადასხვა ქალაქში მოქმედებენ არალეგალურად მყოფი მიგრანტების წინააღმდეგ პრეზიდენტ ტრამპის მიერ დაწყებული კამპანიის ფარგლებში. 7 იანვარს საიმიგრაციო და საბაჟო სამსახურის თანამშრომელმა მინესოტის შტატის ქალაქ მინეაპოლისში მოკლა 37 წლის ქალი. მეორე დღეს, 8 იანვარს საბაჟო და სასაზღვრო დაცვის სამსახურის წარმომადგენლებმა ორი ადამიანი დაჭრეს ორეგონის შტატის ქალაქ პორტლენდში. პორტლენდში სროლის ადგილზე გამოძახებულ პოლიციელებს დახვდათ დაჭრილი ქალი და მამაკაცი, რომლებიც საავადმყოფოში გადაიყვანეს. მიმდინარეობს გამოძიება. პორტლენდის პოლიციის უფროსმა ბობ დეიმ 8 იანვარს გამართულ ბრიფინგზე განაცხადა, რო...