აშშ-მა თბილისს გადასცა $234 150-ის ღირებულების სახანძრო და საკომუნიკაციო აღჭურვილობა

აღჭურვილობის გადაცემა, შსს-ის პრესცენტრის ცნობით, „საქართველოსა და ამერიკის შეერთებულ შტატებს შორის ორმხრივი თანამშრომლობის ფარგლებში“ მოხდა. აღჭურვილობა აშშ-ის სამხედრო ჯგუფის (U.S. Military Group) წარმომადგენლებმა ელჩის მოვალეობის შემსრულებელ ალან პარსელთან ერთად გადასცეს მინისტრის მოადგილე ალექსანდრე დარახველიძესა და საგანგებოს უფროს თემურ მღებრიშვილს. აშშ-ის სამხედრო ჯგუფი არის ზოგადი ტერმინი, რომელიც მიემართება სხვადასხვა ქვეყანაში შეერთებული შტატების საელჩოებში არსებულ სამხედრო სამოკავშირეო სამსახურებს. შსს-ის ცნობითვე, შეხვედრას ესწრებოდნენ აშშ-ის სამხედრო ჯგუფის ხელმძღვანელი, ვიცე-პოლკოვნიკი ენდრიუ ანდერვუდი, სამხედრო ატაშე, პოლკოვნიკი ჯონათან ადამსი და ორმხრივი თანამშრომლობის ოფიცერი, მაიორი ალეკ ჰარისონი. „ქართულმა მხარემ მადლობა გადაუხადა ამერიკულ მხარეს გაწეული მხარდაჭერისთვის, მინისტრის მოადგილემ აღნიშნა, რომ გადმოცემული სპეციალური ტექნიკა და აღჭურვილობა მნიშვნელოვნად გააძლიერებს მეხანძრე-მაშველების ოპერატიულ შესაძლებლობებს და ხელს შეუწყობს ქვეყნის მასშტაბით საგანგებო...