აშშ-მა “ლუკოილის” უცხოური აქტივების გაყიდვის ვადა 28 თებერვლამდე გაახანგრძლივა

აშშ-ის ხაზინის უცხოური აქტივების კონტროლის ოფისმა (OFAC) ახალი ლიცენზია გასცა, რომელიც “ლუკოილის” საერთაშორისო აქტივების გაყიდვასთან დაკავშირებულ ტრანზაქციებზე უფლებამოსილებას 28 თებერვლამდე ახანგრძლივებს. შესაბამისი დოკუმენტი უწყების ვებგვერდზე გამოქვეყნდა. დოკუმენტი რუსულ კომპანიას მისი უცხოური აქტივების მფლობელ Lukoil International GmbH-ის (LIG) გასაყიდად მოლაპარაკებების გამართვისა და კონტრაქტების დადების ნებართვას აძლევს. ასევე, ამ ვადაში უნდა გაიყიდოს ნებისმიერი სხვა კომპანია, რომელშიც LIG პირდაპირ ან ირიბად 50%-ს ან მეტ წილს ფლობს. მანამდე გაცემული ლიცენზია 17 იანვრამდე იყო ძალაში. ვადა უკვე მეორედ გადაიდო. პირველი გადავადება დეკემბერში გამოცხადდა. დოკუმენტი, ასევე, „LIG-ის სუბიექტების საქმიანობის, კონტრაქტების ან სხვა შეთანხმებების მომსახურების ან შეწყვეტისთვის“ აუცილებელი ტრანზაქციების ავტორიზაციის ვადას ახანგრძლივებს. “ლუკოილი” თავის უცხოურ აქტივებს მას შემდეგ ყიდის, რაც აშშ-ის ხაზინამ ოქტომბრის ბოლოს მის და კიდევ ერთი მსხვილი რუსული ნავთობკომპანია “როსნეფტის” წინააღმდეგ ს...