აშშ-მ ირანელ მაღალჩინოსნებს საპროტესტო აქციების სასტიკი დარბევის გამო სანქციები დაუწესა

აშშ-მ ირანელი ძალოვნებსა და ოფიციალურ პირებს, რომლებიც ქვეყნის მასშტაბით გამართულ ანტისამთავრობო საპროტესტო აქციების სასტიკ დარბევაში არიან დადანაშაულებული, სანქციები დაუწესა. სანქციების სიაში შედის ირანის ეროვნული უსაფრთხოების უმაღლესი საბჭოს მდივანიც, რომელსაც აშშ-ს ფინანსთა სამინისტრო ერთ-ერთ პირველ ოფიციალურ პირად ასახელებს, რომელიც ირანელი დემონსტრანტების წინააღმდეგ ძალადობრივი მეთოდების გამოყენებას ემხრობოდა. ასევე, აშშ-ს ფინანსთა სამინისტროს საგარეო აქტივების კონტროლის ოფისმა (OFAC) სანქციები დაუწესა 18 ადამიანსა და კომპანიას, რომლებიც, ირანული ნავთობის უცხოურ ბაზრებზე გაყიდვიდან მიღებული შემოსავლების გათეთრებაში მონაწილეობდნენ. ეს სანქცირებული ირანული ფინანსური ინსტიტუტების ჩრდილოვანი საბანკო ქსელის მეშვეობით ხდებოდა. აშშ-ს ფინანსთა მინისტრმა, სკოტ ბესენტმა განაცხადა, რომ აშშ "მტკიცედ უდგას მხარში ირანელ ხალხს, რომელიც თავისუფლებისა და სამართლიანობას ითხოვს" და რომ მისი სამინისტრო "ყველა შესაძლო ინსტრუმენტს გამოიყენებს იმ პირების წინააღმდეგ, რომლებიც რეჟიმის მხრიდან ადამიანი...