აშშ-ის სამხედრო ძალებმა სირიაში „ისლამური სახელმწიფოს“ ათობით სამიზნე დაბომბეს

აშშ-ის სამხედრო ძალებმა „ისლამური სახელმწიფოს“ ათობით სამიზნე დაბომბეს სირიაში, პალმირაში. ეს არის პასუხი გასულ კვირაში სირიულ-ამერიკულ პატრულზე ჯიჰადისტების თავდასხმაზე. გასული კვირის თავდასხმის შედეგად დაიღუპა სამი ამერიკელი: ორი სამხედრო მოსამსახურე და ერთი სამოქალაქო პირი - თარჯიმანი. ეს სირიაში აშშ-ის პირველი მსხვერპლია 2024 წელს ბაშარ ალ-ასადის რეჟიმის დამხობის შემდეგ. აშშ-ის ცენტრალური სარდლობის განცხადებით, 19 დეკემბრის სამხედრო ოპერაციაში გამოყენებულ იქნა გამანადგურებლები, მოიერიშე ვერტმფრენები და არტილერია. 100-ზე მეტი ჭურვი გამოიყენეს 70 სავარაუდო სამიზნის - ინფრასტრუქტურისა და ტერორისტების კუთვნილი იარაღის საწყობების - წინააღმდეგ. აშშ-ის თავდაცვის მინისტრმა პიტ ჰეგსეთმა სოცქსელ X-ში დაწერა, რომ ეს იყო არა „ომის დასაწყისი, არამედ შურისძიების გამოცხადება“. „თუ თავს დაესხმებით ამერიკელებს - მსოფლიოს ნებისმიერ წერტილში - თქვენი ხანმოკლე, შიშით აღსავსე ცხოვრების დარჩენილ ნაწილს იმის ცოდნით გაატარებთ, რომ შეერთებული შტატები დაგედევნებათ, გიპოვით და დაუნდობლად მოგკლავთ. დღეს ჩვე...