აშშ-ის მთავრობის ნებართვა მიღებულია - სომხეთში Nvidia AI მონაცემთა ცენტრს ააშენებს

ხელოვნური ინტელექტის სომხურმა სტარტაპმა Firebird-მა ამერიკის მთავრობისგან თანხმობა მიიღო Nvidia-ს ჩიპების სომხეთში ექსპორტისთვის, რაც ხელოვნური ინტელექტის ინფრასტრუქტურის შექმნის გლობალური მცდელობის ნაწილია. როგორც Bloomberg-ი წერს, რეგიონში პირველი მასშტაბური ხელოვნური ინტელექტის მონაცემთა ცენტრის მშენებლობაც იგეგმება, რომელზეც Nvidia-მ გეგმა მიმდინარე წლის ივნისში წარადგინა. უკვე ცნობილია, რომ პროექტი მოიცავს 500 მილიონი დოლარის საწყის ინვესტიციას და 100 მეგავატ სიმძლავრეს, Dell Technologies-ის ხელოვნური ინტელექტის სერვერებისა და Nvidia-ს Blackwell პროცესორების გამოყენებით. კომპანია Firebird-ის აღმასრულებელმა დირექტორმა და თანადამფუძნებელმა, რაზმიგ ჰოვაგიმიანმა განაცხადა, რომ პირველი ფაზის ექსპლუატაციაში შესვლა მომავალი წლის მეორე კვარტალში იგეგმება. Firebird ერთ-ერთია Nvidia-ს მრავალი პარტნიორიდან, რომელიც ცდილობს მაღალი ხარისხის მონაცემთა ცენტრების შექმნას შორეულ რაიონებში, რათა ხელოვნური ინტელექტისა და მისი დამხმარე გამოთვლითი ინფრასტრუქტურის დანერგვას ხელი შეუწყოს. ცნობისათვ...