აშშ-ის ირანზე თავდასხმა გარდაუვალია და შესაძლოა 24 საათში მოხდეს - "როიტერსი", დასავლურ წყაროებზე დაყრდნობით

ირანში მიმდინარე პროტესტის, მასობრივი დაპატიმრებებისა და ხელისუფლების მხრიდან სასტიკი ანგარიშსწორების ფონზე, სააგენტო "როიტერსი", დასავლეთის სამხედრო მაღალჩინოსნებზე დაყრდნობით, წერს, რომ “ყველა სიგნალი არსებობს, რომ აშშ-ის თავდასხმა [ირანზე - რ.თ.] გარდაუვალია”. იმავე წყაროების თანახმად, სიფრთხილის ნიშნად, აშშ-ს გაჰყავს სამხედრო პერსონალი შუა აღმოსავლეთის რეგიონში მდებარე ბაზებიდან, ირანის უშიშროების აპარატი კვლავაც აკონტროლებს ვითარებას ირანში. “ყველა სიგნალი არის, რომ აშშ-ის თავდასხმა გარდაუვალია, მაგრამ ამ სიგნალებით აშშ ყველას ფხიზლად ამყოფებს. არაპროგნოზირებადობა სტრატეგიის ნაწილია”, - განუცხადა ოთხშაბათს დასავლელმა სამხედრო მაღალჩინოსანმა "როიტერსს". ორი ევროპელი მაღალჩინოსნის თანახმად კი, აშშ-ის ინტერვენცია შესაძლოა განხორციელდეს მომდევნო 24 საათში. ისრაელელმა მაღალჩინოსანმა განაცხადა, რომ, ჩანს, პრეზიდენტმა ტრამპმა გადაწყვიტა ინტერვენცია, თუმცა მასშტაბი და გრაფიკი კვლავაც უცნობია. ირანის მაღალჩინოსანმა განაცხადა, რომ, ვაშინგტონის მხრიდან თავდასხმის შემთხვევაში, თეირანი საპა...